ಬೆಂಗಳೂರು ಮಹಾನಗರವು ತನ್ನ ಪರಿಧಿಯಲ್ಲಿ ನಗರ ಉದ್ಯಾನವನಗಳು, ಸಸ್ಯೋದ್ಯಾನಗಳು ಮತ್ತು ಕಾಯ್ದಿಟ್ಟ ಅರಣ್ಯ ಪ್ರದೇಶಗಳಿಗೆ ಆಸರೆ ನೀಡಿದೆ. ಆದರೆ, ನಗರವು ಈ ಹಲವು ವರ್ಷಗಳಲ್ಲಿ ಅದರ ಭೂ-ವಿನ್ಯಾಸ ಮತ್ತು ಪರಿಸರದಲ್ಲಿ ಕೆಲವು ತೀವ್ರವಾದ ಬದಲಾವಣೆಗಳನ್ನು ಅನುಭವಿಸಿದೆ, ಇದರಿಂದ ನಗರವು ಉತ್ತಮವಾದ ರೀತಿಯಲ್ಲಿ ಬದಲಾವಣೆ ಕಂಡಿದೆ  ಜೊತೆಗೆ ದುಷ್ಟಪರಿಣಾಮಗಳನ್ನೂ ಅನುಭವಿಸಿದೆ, ಇದರಿಂದ  ನಗರವನ್ನೇ ಬೆಂಬಲಿಸಿಕೊಂಡಿರುವ ವನ್ಯಜೀವಿಗಳ ಮೇಲೂ ತೀವ್ರ ಪರಿಣಾಮ ಬೀರಿದೆ. ಪಕ್ಷಿಗಳು ವನ್ಯಜೀವಿಗಳ ಒಂದು ಅಂಗವಾಗಿದ್ದು, ಇವು ಮಾನವರ ಸಹಚರವಾಗಿದ್ದು, ಅವರೊಟ್ಟಿಗೆ ಜೀವನ ಸಾಗಿಸುತ್ತವೆ.. ಬೆಂಗಳೂರಿನಲ್ಲಿ ಹಕ್ಕಿ-ಪಕ್ಷಿಗಳ ಪ್ರಭೇದ ಹಾಗೂ ಸಂಖ್ಯೆಗಳು, ಸಮಯದ ಜೊತೆಗೆ ಹೆಚ್ಚಿನ ಮಟ್ಟದಲ್ಲಿ ಬದಲಾವಣೆ ಕಂಡರೂ ಕೂಡ ಬೆಂಗಳೂರು ಈಗಲೂ ಪಕ್ಷಿ ವೀಕ್ಷಣೆಗೆ ಸ್ವರ್ಗ-ತಾಣ ಎಂಬ ಹೆಗ್ಗಳಿಕೆಯನ್ನು ಹೊಂದಿದೆ.

ಬೆಂಗಳೂರು ನಗರ ಭಾಗದಲ್ಲಿ ನಗರೀಕರಣ ಹಾಗೂ ಪಕ್ಷಿಗಳ ಜೀವವೈವಿಧ್ಯದ ಮೇಲೆ ಅದರಿಂದ ಆಗುತ್ತಿರುವ ಪರಿಣಾಮಗಳ ನಡುವಿನ ಸಂಬಂಧವನ್ನು ಸೆರೆಹಿಡಿಯಲು ಪ್ರಯತ್ನಿಸುವ ಬೋರ್ಡ್ ಆಟ(ಮಣೆ ಆಟ)ವನ್ನು ನಾವು ವಿನ್ಯಾಸಗೊಳಿಸುತ್ತಿದ್ದೇವೆ.

​

ನಮ್ಮ ಆಟವು ಉಲ್ಲಾಸದ ಸಂಪನ್ಮೂಲವಾಗಿದ್ದು, ಬೆಂಗಳೂರಿನ ಪ್ರಸ್ತುತ ಪಕ್ಷಿ-ಜೀವನವನ್ನು ಗುರುತಿಸಲು ಮತ್ತು ದಾಖಲೀಕರಣದ ಬಗ್ಗೆ ಆಳವಾದ ತಿಳುವಳಿಕೆಯನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡುವುದು ಮಾತ್ರವಲ್ಲದೆ

ಬದಲಾಗುತ್ತಿರುವ ನಗರಭಾಗಗಳಿಂದ ಪಕ್ಷಿಗಳ ಜೀವನ-ಇತಿಹಾಸದ ಮೇಲೆ ಬೀರುತ್ತಿರುವ ಪರಿಣಾಮಗಳ ಬಗ್ಗೆ ಜಾಗೃತಿ ಮೂಡಿಸಲು ಕೂಡ ಸಹಾಯ ಮಾಡುತ್ತದೆ.  ನಮ್ಮ ಪ್ರೇಕ್ಷಕರು ಮುಖ್ಯವಾಗಿ ಯುವ ವಯಸ್ಕರು, ಆದರೆ ಬೆಂಗಳೂರಿನ ಎಲ್ಲಾ ನಿವಾಸಿಗಳಿಗೆ, ವಿವಿಧ ವಯೋಮಾನದವರಿಗೂ ಇದು ತಲುಪುವಂತೆ ಮಾಡುವ ಗುರಿಯನ್ನು ನಾವು ಹೊಂದಿದ್ದೇವೆ. ಈ ಆಟದಲ್ಲಿ ಆಟಗಾರರ ಅನುಭವದಿಂದ ಪ್ರೇರೇಪಿಸಲ್ಪಟ್ಟ ಸಂವಾದಾತ್ಮಕ ಸ್ವರೂಪವಾದ ಸಂಭಾಷಣೆಗಳನ್ನು ನಡೆಸಲು ಹಾಗೂ ನಿರಂತರವಾಗಿ ಬದಲಾಗುತ್ತಿರುವ ನಗರ ಪರಿಸರವು ಪಕ್ಷಿಗಳಿಗೆ ಸೃಷ್ಟಿಸುವ ಸವಾಲುಗಳ ಬಗ್ಗೆ ತಿಳಿದುಕೊಳ್ಳಲು ನಾವು ಅವಕಾಶವನ್ನು ಕಲ್ಪಿಸುತ್ತೇವೆ. ಆಟವು ಕುತೂಹಲವನ್ನು ಹುಟ್ಟಿಸುತ್ತದೆ ಮತ್ತು ಅದರಿಂದ ಆಟಗಾರರಿಗೆ ಅವರ ನಗರದಲ್ಲಿ ಆಗುತ್ತಿರುವ ಬದಲಾವಣೆಗಳು ಮತ್ತು ನಗರ ವನ್ಯಜೀವಿಗಳ ಮೇಲೆ ಅದರಿಂದ ಆಗುತ್ತಿರುವ ಪ್ರಭಾವಗಳ ಬಗ್ಗೆ ಸಂವೇದನಾಶೀಲಗೊಳಿಸುತ್ತದೆ, ಜೊತೆಗೆ ಅವರ ಸುತ್ತಲಿನ ನೈಸರ್ಗಿಕ ಪ್ರಪಂಚದ ಬಗ್ಗೆ ಹೆಚ್ಚು ಅರಿವು, ಸಹಾನುಭೂತಿ ಮತ್ತು ಆಸಕ್ತಿಯನ್ನು ಉಂಟುಮಾಡುತ್ತದೆ ಎಂದು ನಾವು ಭಾವಿಸುತ್ತೇವೆ.

ಬೆಂಗಳೂರು ಸಸ್ಟೈನಬಿಲಿಟಿ ಫೋರಂನ ಸಣ್ಣ ಅನುದಾನ ಕಾರ್ಯಕ್ರಮದ ಭಾಗವಾಗಿ ಈ ಯೋಜನೆಗೆ ಹಣ ನೀಡಲಾಗಿದೆ. ನೀವು ಈ ಆಟದ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ಬಯಸಿದರೆ, ನಮ್ಮ ಬ್ಲಾಗ್‌ಗೆ ಭೇಟಿ ನೀಡಿ, ಅಲ್ಲಿ ನಾವು ನಿರ್ದಿಷ್ಟ ಮೈಲಿಗಲ್ಲುಗಳನ್ನು ಪೂರೈಸಿದಾಗ ನಮ್ಮ ಪ್ರಯಾಣವನ್ನು ಹಂಚಿಕೊಳ್ಳುತ್ತೇವೆ.